مظفرگڑھ (مظفرگڑھ ڈاٹ سٹی۔ 13 مئی2022ء) ایڈیشنل آئی جی جنوبی پنجاب ڈاکٹر احسان صادق نےضلع مظفر گڑھ کا دورہ کیا، آر پی او ڈی جی خان وقاص نذیر اور ڈی پی او مظفرگڑھ طارق ولایت نے ان کا استقبال کیا ، پولیس کے چاک و چوبند دستے نے ایڈیشنل آئی جی کو سلامی پیش کی۔ایڈیشنل آئی جی جنوبی پنجاب ڈاکٹر احسان صادق نے مظفرگڑھ پہنچنے کے بعد یادگار شہداء پر پھولوں کی چادر چڑھائی اور فاتحہ خوانی کی۔
اس موقع پر ایڈیشنل آئی جی جنوبی پنجاب نے پولیس افسران سے خطاب کیاپولیس اہلکاران کے مسائل کے حل کے لیے فوری احکامات جاری کیے اور ایڈیشنل آئی جی جنوبی پنجاب ڈاکٹر احسان صادق نے نمایاں کارکردگی کے حامل پولیس افسران میں انعامات تقسیم کیے۔ بعد ازاں ایڈیشنل آئی جی جنوبی پنجاب نے کمانڈ اینڈ کنٹرول سنٹر مظفرگڑھ کا افتتاح کیا ۔ اس موقع پر ڈی پی اومظفرگڑھ طارق ولایت نے کمانڈ اینڈ کنٹرول سنٹر کے بارے بریف کیا ۔ ایڈیشنل آئی جی جنوبی پنجاب نے پولیس سٹیشن تھانہ سٹی کا بھی دورہ کیا۔ انہوں نے ڈی پی او دفتر میں ایس آئی محمد افضل شہید کیفےٹیریا اور انویسٹی گیشن فیسلیٹیشن سینٹر ایس پی آفس کا بھی افتتاح کیا۔