مظفرگڑھ (مظفرگڑھ ڈاٹ سٹی۔ 28 اکتوبر2022ء) کمشنر ڈیرہ غازی خان ڈویژن لیاقت علی چٹھہ نے کوٹ ادو میں ڈیجیٹل گردآوری کی تکمیل میں ریونیو افسران کی عدم دلچسپی پر سخت ناراضگی کا اظہار کرتے ہوئے وضاحت طلب کرلی۔گمشدہ پرت پٹوار اور پرت سرکار کی بازیابی کیلئے بھی وارننگ جاری کردی۔جائیدادوں کی خرید و فروخت کے قلمی کی بجائے جامع کمپیوٹرائزڈ فیصلے جاری کرنے کے احکامات جاری کردئیے۔
ہیڈ تونسہ میں ریونیو افسران کے اجلاس کی صدارت کرتے ہوئے کمشنر ڈی جی خان نے کہا کہ دیہی مرکز مال،اراضی ریکارڈ سنٹر اور دیگر ریونیو دفاتر میں عوام کیلئے آسانیاں پیدا کی جائیں۔دفاتر کے دروازے عوام کیلئے کھلے رکھے جائیں ،سرکاری واجبات کی سوفیصد وصولی،زیر التوا ءجوڈیشل اور رینونیو کیسز جلد نمٹائے جائیں۔ڈیجٹل روزنامچہ کی باقاعدگی سے مرتب کیا جائے۔ اس موقع پرڈپٹی کمشنر کیپٹن ریٹائرڈ سمیع اللہ فاروق،اے سی آر حارث محمود،اے سی کوٹ ادو عامر محمود،نائب تحصیلدار اور دیگر افسران موجود تھے۔\378