مظفرگڑھ(مظفرگڑھ ڈاٹ سٹی۔ 10 دسمبر2022ء) ہائی وے پٹرولنگ پولیس پوسٹ ہیڈ تونسہ کی ماہ دسمبر 2022 کے پہلے ہفتہ کی کارکردگی رپورٹ جاری۔انچارج پٹرولنگ پولیس پوسٹ سب انسپکٹر شمس نادر نے پنجاب ہائی وے پٹرولنگ پوسٹ ہیڈ تونسہ مظفرگڑھ کی ماہ دسمبر 2022 کے پہلے ہفتہ کی کارکردگی رپورٹ جاری کردی ہے۔
انہوں نے میڈیا سے گفتگو کرتے ہوئے بتایا ہے کہ پٹرولنگ پوسٹ ہیڈتونسہ نے ماہ دسمبر 2022 کے پہلے ہفتہ میں ہائی وے پر قانون کی خلاف ورزی کرنے والی گاڑیوں کے خلاف کارروائی کرتے ہوئے تیز رفتار، غیر قانونی ایل پی جی گیس سلنڈر استعمال کرنے والی اور اوورلوڈ گاڑیوں کے خلاف 3 مقدمات درج کئے پنجاب ہائی وے پر سفر کرنے والے 10 مسافروں کو مدد فراہم کی گئی اور 25 سلو موونگ گاڑیوں پر ریفلیکٹرز لگائے گئے 15 مستقل و عارضی ناجائز تجاوزات کو ہٹایا گیا اور شاہراہ پر سفر کرنے والے مسافروں اور ڈرائیورز کو ٹریفک قوانین سے متعلق آگاہی دی گئی اور ان میں ٹریفک قوانین بارے لٹریچر بھی تقسیم کیا گیا ۔