مظفرگڑھ (مظفرگڑھ ڈاٹ سٹی۔ 24 فروری2023ء) مظفرگڑھ کے قریب بھٹہ پور فلائی اوور پر ایک وین کار کو اوور ٹیک کرتے ہوئے سائن بورڈ سے جا ٹکرانے سے 6 افراد زخمی ہو گئے۔ریسکیو 1122 کنٹرول روم نے فوراً جائےحادثہ پر سنٹرل اسٹیشن سے ایمبولینس اور ریسکیو وہیکل کو روانہ کروا دیا۔ریسکو سٹاف کو موقع پر پہنچ کر معلوم ہوا کہ حادثے میں 06 افراد زخمی ہیں ۔
زخمیوں کو ابتدائی طبی امداد فراہم کرتے ہوئے انڈس ہسپتال مظفرگڑھ شفٹ کر دیاگیا۔ زخمیوں کی شناخت عابد حسین ، غلام مصطفیٰ،محمد آصف ، شعیب ، مدثر اور سارہ بی بی سے ہوئی۔ وین میں سے آئل لیکج ہونے کی وجہ سے فائر وہیکل کو جائے حادثہ کی طرف روانہ کروا دیا گیا ۔فائر وہیکل سٹاف نے زمین پر گرے پٹرول پر مٹی ڈال دی ،مزیدلیکیج نہیں ہونے کے باعث فائر وہیکل اور دیگر سٹاف واپس سٹیشن آگئے۔