مظفرگڑھ(مظفرگڑھ ڈاٹ سٹی۔ 02 جنوری2023ء) مظفرگڑھ کے علاقے بیٹ رائعلی شاہجمال کی بستی میں زہریلی چائے پینے سے ایک خاتون جاں بحق 3 افراد بیہوش ہوگئے۔
شاہجمال کی بستی جیوے والا میں صبح ایک گھر کے تین خواتین سمیت 4 افراد نے مضر صحت چائے پی،چائے پینے سے چاروں افراد کو الٹیاں لگ گئیں اور ان کی حالت غیر ہو گئی، جن میں سے 35 سالہ رقیہ بی بی زوجہ عبدالحکیم موقع پر فوت ہو گئی،جبکہ 30 سالہ صفیہ زوجہ عالم،55 سالہ اللہ وسائی زوجہ عبدالستار اور 60 سالہ عبدالستار ولد واحد بخش کو الٹیاں لگ گئیں۔
اطلاع ملنے پرریسکیو سٹاف نے موقع پر پہنچ کر دو خواتین اور ایک مرد جن کو الٹیاں لگی ہوئی تھیں کو رورل ہیلتھ سنٹر ہسپتال شاہجمال منتقل کر دیا جبکہ جاں بحق خاتون کے لواحقین نے ڈیڈ باڈی کو ہسپتال منتقل کرنے سے انکار کر دیا ۔