مظفرگڑھ(مظفرگڑھ ڈاٹ سٹی ۔ 04 نومبر2021ء) سپیشل برانچ کی نشاندہی پر احساس سنٹر پر عورتوں سے کٹوتی کرنیوالے ایجنٹ ریٹیلر سمیت گرفتار،مقدمہ درج کرلیا گیا۔
پولیس ذرائع کے مطابق تحصیل کوٹ ادو کے نواحی علاقہ دائرہ دین پناہ میں سپیشل برانچ کی نشاندہی پر ایس ایچ او تھانہ دائرہ دین پناہ اصغر کاشف نے کارروائی کرتے ہوئے احساس سینٹر پر عورتوں کی رقوم میں کٹوتی کرنے والے ایجنٹ پرویز اور بلال کو ریٹیلر اجمل سمیت رنگے ہاتھوں گرفتار کر کے مقدمہ درج کر لیا ہے ۔
احساس سنٹر پر غریب اور بیوہ خواتین کی رقوم میں کٹوتی کی شکایات ایک ہفتہ سے مسلسل آ رہی تھیں مگر ایجنٹ اور ریٹیلر کی نشاندہی نہیں ہو رہی تھی ۔پولیس تھانہ دائرہ دین پناہ نے سپیشل برانچ کی نشاندہی پر ایجنٹ اور ریٹیلر کو رنگے ہاتھوں ثبوتوں سمیت گرفتار کر کے مقدمہ درج کر دیا ہے۔اس موقع پر ایس ایچ او کا کہنا تھا کہ 6 ماہ بعد غریب عورتوں کو حکومت کی طرف سے امدادی رقم ملتی ہے اس میں ایک ہزار کی کٹوتی کسی صورت برداشت نہیں کی جائے گی۔