مظفرگڑھ،تھانہ سول لائن میں مصالحتی کمیٹی کے دفتر اور وومن ڈیسک کا افتتاح

مظفرگڑھ ۔ (مظفرگڑھ ڈاٹ سٹی ۔ 23 جولائی2019ء) ڈی پی او مظفرگڑھ صادق علی ڈوگر نے تھانہ سول لائن میں مصالحتی کمیٹی کے دفتر اور وومن ڈیسک کا افتتاح کردیا،تفصیلات کے مطابق ڈی پی او صادق علی ڈوگر نے ڈی ایس پی سٹی سرکل عظمت خان گورمانی کے ساتھ تھانہ سول لائن میں وومن سنٹر اور مصالحتی سنٹر کا افتتاح کیا، تھانہ سول لائن میں وومن ڈیسک کے قیام سے خواتین تھانے آ کر اپنے پولیس متعلق مسائل بلاجھجک خواتیں افسروں کو بتا سکیں گی اور ان مسائل کا بہتر سے بہتر حل کیا جا سکے گا، جبکہ پولیس عوام ساتھ ساتھ کے نعرے کو عملی شکل دیتے ہوئے ڈی پی او صادق علی ڈوگر نے تھانہ سول لائن کیں مصالحتی کمیٹی کیلیئے علیحدہ دفتر کا افتتاح بھی کیا اور دفتر میں موجود ممبران مصالحاتی کمیٹی سے ملاقات بھی کی، ڈی پی او کا کہنا تھا مصالحتی کمیٹی اور تھانہ میں مقامی معززین کی موجودگی میں عوام خود کو زیادہ محفوظ اور طاقتور سمجھے گی اور اپنے مسائل کا فوری حل پائے گی، مصالحتی کمیٹی کے ارکان تصفیہ طلب مسائل موقع پر ہی حل کرینگے جس سے تھانوں اور عدالتوں میں چلنے والے زیادہ عرصہ والے کیسز تھانوں میں فوری طور حل ہو جائیں گے، ضلع بھر میں مصالحتی کمیٹیاں فعال کردی گئیں جو عوام کے سائل مصالحتی بنیادوں پر حل کرنے میں مصروف عمل ہیں