مظفرگڑھ (مظفرگڑھ ڈاٹ سٹی۔ 01 اکتوبر2022ء) ریجنل پولیس آفیسر ڈی جی خان سید خرم علی نے مظفرگڑھ کے نواحی تھانہ بیٹ میرہزار کی حدود میں 17 سالہ لڑکی کی جلی ہوئی نعش ملنے کے واقعہ کا نوٹس لے لیا۔پولیس ترجمان کے مطابق آرپی او نے ڈی پی او مظفر گڑھ سے واقعہ کی فوری رپورٹ طلب کرتے ہوئے تفتیش کے لیے اسپیشل انویسٹی گیشن ٹیم تشکیل دینے کا حکم دے دیا،انہوں نے تمام پہلووں سے تفتیش کرکے حقائق سامنے لائے جائیں اور انصاف کی فراہمی کو ہرصورت یقینی بنایا جائے ۔
آر پی او نے ڈی پی اومظفر گڑھ کو فوری طور پر جائے وقوعہ پر پہنچنے اور واقعہ کی جدید سائنسی بنیادوں پر فرانزک ٹیموں کی مدد سے تمام پہلووں سے تفتیش کرانے کی ہدایات جاری کیں ۔آر پی او نے مزید ہدایات جاری کیں کہ واقعہ میں ملوث ملزمان کی فوری گرفتاری عمل میں لائی جائے ،انصاف کی فراہمی کو ہرصورت یقینی بنایا جائے۔ قبل ازیں جائے وقوعہ کی اطلاع ملتے ہی ایس ڈی پی او جتوئی ، ایس ایچ او تھانہ جتوئی پولیس کی بھاری نفری ، کرائم سین یونٹ اور فارنزک ٹیم کے ہمراہ موقع پر پہنچ گئے۔\378