مظفر گڑھ(مظفرگڑھ ڈاٹ سٹی۔ 24 اپریل2022ء) بینظیرانکم سپورٹ پروگرام کی چیئرمین شازیہ مری نے پاکستان پیپلزپارٹی جنوبی پنجاب کے سیکرٹری انفارمیشن و رکن قومی اسمبلی مظفرگڑھ نوابزادہ افتخار احمدخان سے ٹیلی فونک گفتگو میں کہا ہے کہ مستحق، بیوہ اور غریب خاندان کی اس پروگرام کے تحت مالی تعاون کا سلسلہ جاری رکھا جائے گا جبکہ پی ٹی آئی حکومت نے جن ساڑھے آتھ لاکھ خواتین کے نام اس پروگرام سے نکال دئیے تھے ان متاثرین کی دوبارہ سروے کرکے مالی امداد چالو کی جائے گی ۔
انہوں نے کہا کہ بینظیر انکم سپورٹ پروگرام کے تحت غریب عوام کی صحیح معنوں میں خدمت کی گئی ہے جس پر باہر ممالک میں بھی بینظیرانکم سپورٹ پروگرام کی تعریف کی گئی ہے ۔اس موقع پر نوابزادہ افتخار احمدخان نے انہیں اپنے حلقہ انتخاب این اے 184 مظفرگڑھ میں بھی بینظیرانکم سپورٹ پروگرام میں توسیع دیکر مزید حقدار خواتین کو شامل کرنے اور جن خواتین کے نام نکالے گئے ہیں انکو دوبارہ شامل کرنے کی بھی درخواست کی جس پر شازیہ مری نے ان کی سفارشات پر جلد عملدرآمد کرانے کی یقین دہانی کرائی۔