مظفرگڑھ ۔ (مظفر گڑھ ڈاٹ سٹی۔ 29 جنوری2019ء) پاکستان عوامی راج پارٹی کے چیئرمین جمشید احمد دستی نے سماجی راہنما ناظم خان بلوچ کے ظہرانے ہر میڈیا سے گفتگو کرتے ہوئے کہا کہ بہاولپور اور جنوبی پنجاب صوبے کا ناکام ڈرامہ منافق سیاستدانوں کی اختراع ہے ان سیاستدانوں نے ہمیشہ سرائیکی وسیب کے ساتھ فراڈ کیا ہے انہوں نے کہا کہ اگر ڈویڑن بہاولپور کو صوبہ بنانا ہے تو پہلے صوبہ بننے کا حق ڈیرہ غازی خان ڈویڑن کا ہے جسکا پسماندگی میں پہلا نمبر ہے انہوں نے کہا کہ سرائیکی صوبہ دینے کا وعدہ کرنے والے اب نئے ڈرامے کر رہے ہیں پاکستان مسلم لیگ ن پیپلزپارٹی اور تحریک انصاف نے سرائیکی وسیب کے ساتھ دھوکہ کیا ہے ان تینوں سیاسی جماعتوں کو بے نقاب کرینگے انہوں نے کہا یہ سیاسی جماعتیں آج بھی سرائیکی وسیب کے لوگوں کو تقسیم کرکے خطرناک کھیل کھیل رہی ہیں انہوں نے کہا کہ پاکستان عوامی راج پارٹی 23 مارچ کو بقائے پاکستان اور علیحدہ صوبہ تحریک کے لئے مظفرگڑھ میں تاریخی جلسہ کر رہے ہیں جلسہ میں سرائیکی خطے میں ہونے والی پولیس گردی جاگیرداروں کی لوٹ مار کرپشن لاقانونیت عوام پر ہونے والے مظالم کے خلاف، کسان دشمن پالیسیوں کے جدوجہد کا اس جلسے سے آغاز کرینگے۔