مظفرگڑھ (مظفرگڑھ ڈاٹ سٹی 31 مئی2022ء) علی پور میں اجتماعی قتل کی لرزہ خیز واردات ،گھر سے میاں بیوی اور تین بچوں کی لاشیں برآمدہوئی ہیں۔
تفصیلات کے مطابق خاوند کی لاش پھندا لگی جبکہ بیوی اور 3 بچوں کی گلے کٹے ہوئے تھے، ریسکیو 1122 کی ابتدائی اطلاع کے مطابق مظفرگڑھ کی تحصیل علی پور میں خیرپور روڈ پر محلہ مستوئی والا کے ایک گھر کے عمران کی کی پھندا لگی جب کہ اس کے تین بچوں اور بیوی کی گلا کٹی لاشیں ملی ہیں، مقتول بچوں کی عمریں 2 سے 7 سال کے درمیان بتائی جاتی ہیں۔
پولیس تھانہ صدر علی پور نے کرائم سین یونٹ اور فارنزک ٹیم کے ہمراہ موقع پر پہنچ کر شواہد اکٹھے کر کے لاشوں کو پوسٹمارٹم کےلئے تحصیل ہیدکوارٹر ہسپتال علی پور منتقل کردیا۔اجتماعی قتل کی اس واردات سے شہر میں خوف اور افسردگی کی لہر دور گئی ہے۔\378