مظفر گڑھ (مظفرگڑھ ڈاٹ سٹی ۔ 31 مئی2022ء) مظفر گڑھ کی تحصیل علی پور کے تھانہ صدر علی پور میں دوران ڈکیتی نویں جماعت کے طالب علم کے اندھے قتل کا معمہ حل۔ایس پی انویسٹی گیشن ضیاء اللہ کی پریس کانفرنس۔ ایس پی انویسٹیگیشن کے مطابق نامعلوم ملزمان نے 14 سالہ محمد عارف کو دوران ڈکیتی فائر مار کر قتل کیا تھااور نامعلوم ملزمان بعد از ڈکیتی وقتل موقع سے فرار ہونے میں کامیاب ہو گئے تھے۔
انہوں نے بتایا کہ ڈی پی اومظفرگڑھ طارق ولایت نے ملزمان کی گرفتاری کے لیے مجھے یعنی ایس پی انویسٹی گیشن ضیاءاللہ کے زیرنگرانی اسپیشل ٹیم تشکیل دی۔ایس پی انویسٹیگیشن ضیاءاللہ نے صحافیوں کو مزید بتایا کہ اسپیشل ٹیم نے جدید ٹیکنالوجی کی مدد سے ملزمان کو ٹریس کیا ۔ تینوں ملزمان کی شناخت بذریعہ شناخت پریڈ ممکن ہوسکی۔ تینوں ملزمان 15 سے زائد سنگین نوعیت کے مقدمات میں پولیس کو مطلوب تھے۔ ملزمان سے پسٹل30 بور،کلاشنکوف، رپیٹر اور نقد رقم ایک لاکھ اسی ہزارروپے برآمد۔ملزمان الطاف ،بلال اور اسلم واردات کرنے کے بعد ایران فرار ہو جاتے تھے۔\378