مظفرگڑھ (مظفرگڑھ ڈاٹ سٹی ۔ 10 ستمبر2021ء) جنوبی پنجاب بھر سمیت ضلع مظفرگڑھ میں برائلر مرغی کی قیمتوں کو پھر پر لگ گئے، گزشتہ پندرہ روز میں مرغی کے گوشت کی قیمت میں ریکارڈ اضافہ ہوا ہے، مرغی کا گوشت 180 روپے سے 280 روپے فی کلو گرام تک جا پہنچا ہے۔
جس پر شہریوں نے تشویش کا اظہار کرتے ہوئے کہا ہے کہ ابھی سردیوں کا موسم دور ہے، لیکن برائلر مرغی کے ڈیلروں نے قیمتوں میں اضافے کا آغاز کر دیا ہے اور پرائس کنٹرول کمیٹیاں بااثر مافیا کے سامنے بے بس ہو چکی ہیں، چیئرمین پنجاب وکلاء محاذ رانا امجد علی امجد ایڈووکیٹ نے حکومت سے نوٹس لینے کی اپیل کی ہے کہ غریب آدمی کے لئے کم از کم مرغی کا گوشت تو پکانے کے لئے سستا رہنے دیا جائے، پرائس کنٹرول مجسٹریٹ صاحبان کو فعال کیا جائے اور مرغی کے گوشت کی قیمت کم از کم سطح پر رکھی جائے،