ضلع بھر میں قائم مفت آٹا پوائنٹس پرا ٓٹے کی فراہمی کو قواعد و ضوابط کے تحت یقینی بیایا جارہا ہے، ڈپٹی کمشنر

انہوں نے کہا کہ مفت آٹے کی فراہمی کو شفاف بنایا گیا ہے اس میں کسی قسم کی بدعنوانی اور دھوکہ دہی کو برداشت نہیں کیا جائے گا۔

انہوں نے کہا کہ محکمہ خوراک کو پابند بنایا گیا ہے کہ آٹی کی مسلسل فراہمی کو یقینی بنایاجائے، ہرآٹا پوائنٹ پرلیڈی پولیس کی تعیناتی کو بھی یقینی بنایا جارہا ہے، انہوں نے کہا کہ بھگدڑ اور دھکم پیل جیسے واقعات کی بھی ہنگامی صورتحال سے نمٹنے کیلئے لائحہ عمل بنایا جارہا ہے۔ڈپٹی کمشنر نے عوام سے بھی اپیل ہے کہ وہ آٹا پوائنٹس پر بے جا رش نہ کریں اور اس سلسلے میں انتظامیہ سے مکمل تعاون کریں

ڈپٹی کمشنر نے مزید کہا کہ رمضان المبارک میں اشیاء خوردو نوش کی فراہمی کیلئے عملی اقدامات کئے جارہے ہیں، اس سلسلے میں پرائس کنٹرول مجسٹریٹس کو فعال کیا گیا ہے جو روزانہ کی بنیاد پر اپنے اپنے حلقو ں میں بازاروں اور دکانوں کا معائنہ کرتے ہیں اور گرانفروشی، ذخیرہ اندوزی اور ملاوٹ کرنے والوں کے خلاف قانونی کارروائی کرتے ہوئے بھاری جرمانے اور ایف آئی آر کا اندراج کررہے ہیں۔