شکرگڑھ (مظفر گڑھ ڈاٹ سٹی۔ 12 فروری2020ء) محکمہ سپورٹس نارووال کے زیر اہتما م وزیر اعلیٰ پنجا ب کے کلین اینڈ گرین مہم کے تحت شجر کاری کا افتتاح ڈپٹی کمشنر نارووال اور ڈی پی او محمد ذوالفقار احمد نے سپورٹس جمینزیم میں پودے لگائے،ایڈیشنل ڈپٹی کمشنر ریونیو ڈاکٹر فیصل سلیم، اسسٹنٹ کمشنر عمر افتخار شیرازی ،ڈسٹرکٹ سپورٹس آفیسر رانا محمد اصغر، تحصیلدار رائے محمد حسین نواز ،این ٹی اوز محمد اکرم ،محمد ارشد و دیگر اس موقع پر موجو د تھے۔ڈپٹی کمشنر نارووال نے اس مو قع پر کہا کہ کلین اینڈ گرین مہم کو کا میاب بنا کر ہم اپنے ضلع کو صاف ستھرا رکھ سکتے ہیں اور اس سلسلہ میں سرکاری محکموں کے ساتھ ساتھ سماجی ادارے بھی مہم کو کا میاب بنا نے کے لیے اپنا اپنا کر دار ادا کر رہے ہیں۔