سپورٹس ڈیپارٹمنٹ مظفرگڑھ کے زیراہتمام جشن بہاراں کی تقریبات
مظفرگڑھ (مظفر گڑھ ڈاٹ سٹی۔ 10 مارچ2020ء) سیکرٹری سپورٹس اور ڈی جی سپورٹس کے حکم کے مطابق سپورٹس ڈیپارٹمنٹ مظفرگڑھ کے زیراہتمام جشن بہاراں کی تقریبات کے سلسلے میں سپورٹس جمنیزیم مظفر گڑھ میں ڈسٹرکٹ سپورٹس آفیسر طارق محمود خانزادہ کے زیر نگرانی دیسی کشتی کے مقابلے منعقد ہوئے جس میں ضلع کی چاروں تحصیلوں سے کھلاڑیوں نے حصہ لیا ان مقابلوں میں مظفرگڑھ نیویٹ مقابلہ جیت کر زیادہ پوائنٹ حاصل کیے اور چمپین ٹرافی جیت لی جبکہ کوٹ ادو نے دوسری پوزیشن حاصل کی۔تقریب کے اختتام پر مہمان خصوصی ریحان قریشی ڈسٹرکٹ اکاؤنٹس آفیسر مظفرگڑھ نے کامیاب کھلاڑیوں میں سرٹیفکیٹ اور میڈل تقسیم کیے۔ تقریب کے آخر میں ڈسٹرکٹ سپورٹس آفیسر طارق محمود خانزادہ نے ڈیپارٹمنٹ کی طرف سے تمام کھلاڑیوں آفیشلز اور دیگر مہمانوں کو کھانا پیش کیا۔