مظفرگڑھ (مظفرگڑھ ڈاٹ سٹی۔ 25 اکتوبر2022ء) ایڈیشنل ڈپٹی کمشنر مظفرگڑھ مرتضیٰ تنویر نے کہا ہے کہ پاکستان سٹیزن پورٹل کے ذریعے موصول ہونے والی عوامی شکایات کو فوری حل کیا جائے۔یہ بات انہوں نے پاکستان سٹیزن پورٹل پر عوامی شکایات کے ازالے کے سلسلے میں ایک اجلاس کی صدارت کرتے ہوئے کہی۔
انہوں نے کہا ہے کہ جن شکایات کا ازالہ کر دیا جاتا ہے ان پر فیڈ بیک لیا جائے اور عوام کے اداروں پر اعتماد کو بحال کیا جائے۔
اجلاس میں بتایا کہ اب تک ضلع میں مختلف محکموں سے متعلقہ 34 ہزار 108 شکایات موصول ہوئی تھیں، 33 ہزار 754 شکایات کا ازالہ کر دیا گیا ہے جبکہ بقایا پر کام جاری ہے، 19 ہزار 236 شکایات پر فیڈ بیک ملا اور 7 ہزار 589 درخواست گزاروں نے اطمینان کا اظہار کیا۔ اجلاس میں ضلعی محکموں کے نمائندوں نے بھی شرکت کی۔