مظفرگڑھ ۔ (مظفر گڑھ ڈاٹ سٹی۔ 09 مارچ2020ء)ڈپٹی کمشنر انجینئر امجد شعیب خان ترین نے کہا ہے کہ سرکاری دفاتر میں آنے والے سائلین کے مسائل کے حل کے لئے آسانیاں پیدا کی جائیں، اپنا مسئلہ لے کر آنے والے سائل کو دفتر کے چکر نہ لگوائے جائیں اگر اس کا مسئلہ قانون و میرٹ کے مطابق حل ہونے والا ہے تو اس کو فوری حل کیا جائے،اگر کسی سائل کا کوئی مسئلہ قوانین و ضوابط کے مطابق حل نہیں ہوسکتا تو اس سے غلط بیانی نہ کریں اس کو صاف بتادیں کہ اس کو کسی قسم کا لارا نہ دیا جائے۔یہ بات انہوں نے اراضی اور تحصیل آفس کا اچانک معائنہ کرتے ہوئے کہی۔انہوں کے کہا کہ روزانہ ہونے والی رجسٹریوں کا اندراج اور انتقال فوری کیا جائے تاکہ سائل کو بار بار آنا نہ پڑے۔انہوں نے کہا کہ سائل کو بے جا پریشان کرنا ہر گز برداشت نہیں کیا جائے گااورایسا کرنے والے اہلکاروں اور افسران کے خلا ف سخت کارروائی عمل میں لائی جائے گی۔