مظفرگڑھ (مظفرگڑھ ڈاٹ سٹی ۔ 24 اگست2021ء) :دائرہ دین پناہ میں مسلح ڈکیتی کے دوران مزاحمت پر میپکو اہلکار زخمی ہوگیا۔
پولیس زرائع کے مطابق گزشتہ شب مظفرگڑھ کی تحصیل کوٹ ادو کے نواحی علاقے دائرہ دین پناہ میں 2 مسلح ڈاکو میپکو کے لائن سپرنٹنڈنٹ نعمان کو گھر جاتے ہوئے گن پوائنٹ پر روک کر اس سے موٹر سائیکل، موبائل اور نقدی چھین کر فرار ہو گئے اور مزاحمت کرنے پر لائن سپریٹنڈنٹ نعمان کو پسٹل کے بٹ مار کر شدید زخمی کر دیا،پولیس تھانہ دائرہ دین پناہ نے زخمی میپکو اہلکار کی اطلاع پر مقدمہ درج کر کے ڈاکووں کی تلاش شروع کر دی ہے جبکہ زخمی نعمان کو آر ایچ سی ہسپتال دائرہ دین پناہ منتقل کر دیا گیا ہے۔