مظفرگڑھ (مظفرگڑھ ڈاٹ سٹی۔ 03 اگست2022ء) پرائس کنٹرول مجسٹریٹ کوٹ ادومحمد طلحہ شیخ نے کہا ہے کہ حکومت کی طرف سے مقرر کردہ نرخوں پر یوریا کھاد، گوشت، سبزی اور کریانہ کی اشیا ء سمیت تمام اشیاء خوردونوش کی فراہمی کو یقینی بنایا جائے گا۔
یہ بات انہوں نے کوٹ ادو اور احسان پورمیں ذخیرہ اندوزں اور مقرر کردہ نرخوں سے زائد ریٹ پر بیچنے والے کھاد ڈیلرز سبزی فروشوں اور کریانہ فروشوں کے خلاف کارروائی کرتے ہوئے کہی۔ انہوں نے مختلف دکانداروں کو ہزاروں روپے کے جرمانے اور وارننگ جاری کی۔ انہوں نے دکانداروں کو ہدایت کی کہ ڈپٹی کمشنر مظفر گڑھ علی عنان قمر کی ہدایات کے مطابق ریٹ لسٹ نمایاں جگہ پر آویزاں کریں اور مقررہ قیمت پر اشیاء کی فروخت کو یقینی بنائیں۔