ٍمظفرگڑھ۔ (مظفرگڑھ ڈاٹ سٹی ۔ 03 ستمبر2019ء) مظفرگڑھ کی تحصیل کوٹ ادو میں محرم الحرام کے انتظامات کے حوالے سے تحصیل انتظامیہ ،لائسنس داران ،امن کمیٹی اور انجمن تاجران کے ممبران کی میٹنگ ہوئی جس میں تعزیہ کے لائسنس داران نے مسائل بارے انتظامیہ کو آگاہ کیا انتظامیہ نے تمام مسائل فوری طور پر حل کرنے کی یقین دہانی کرائی اسسٹنٹ کمشنر کوٹ ادو فیاض علی نے انتظامات کے حوالے سے میڈیا سے گفتگو کرتے ھوئے بتایا کہ مجالس عزا اور جلوسوں کے روٹس پر لائٹس لگوا دی گئی ھیں اور سیوریج اور نالیوں کی ڈی سلٹنگ کر دی گئی ھے تمام روٹس پر صفائی کرا دی گئی ھے انہوں نے بتایا کہ محرم الحرام کے حوالے سے 80 فیصد انتظامات کئے جا چکے ھیں اور باقی 20 فیصد پر کام جاری ھے ایک سوال کے جواب میں انہوں نے بتایا کہ ضلع کونسل کے دائرہ اختیار میں آنے والے دیہاتی علاقوں میں کچھ مسائل ھیں وھاں کے مسائل ڈپٹی کمشنر مظفرگڑھ اور ضلع کونسل کے علم میں دئیے گئے ھیں اور ان علاقوں کے مسائل کے حل کیلئے ان سے مدد مانگی گئی ھے اور امید ھے کہ ان کے تعاون سے وہ مسائل بھی جلد ھی حل ھو جائیں گے اجلاس بلدیہ کوٹ ادو کے جناح حال میں منعقد ھوا جس میں اسسٹنٹ کمشنر،ڈی ایس پی، ایکس ای این میپکو بلدیہ کے افسران،تاجر نمائندوں،مجالس عزا کے متولیان اور تعزیہ لائسنسداران نے شرکت کی اجلاس کے تمام شرکا نے محرم الحرام میں امن و امان یقینی بنانے کے عزم کا اظہار کیا۔