مظفرگڑھ (مظفرگڑھ ڈاٹ سٹی۔ 28 نومبر2022ء) انچارج ای روز گار ٹریننگ سنٹر ملک تبریز نے کہا ہے کہ ای روزگار ٹریننگ سنٹر نوجوانوں کو باعزت طریقے سے روزگار کمانے کےلئے ڈیجیٹل سکلز اور فری لانسنگ کی مفت تربیت فراہم کر رہا ہے۔ گورنمنٹ ایسوسی ایٹ کالج آف کامرس مظفرگڑھ میں ای۔روزگار ٹریننگ پروگرام کے اگلے بیچ کے داخلے شروع ہوگئے ہیں۔
ای۔روزگار ٹریننگ پروگرام یوتھ افیئرز اینڈ سپورٹس ڈیپارٹمنٹ اور پنجاب انفارمیشن ٹیکنالوجی بورڈ کا ایک مشترکہ پراجیکٹ ہے جو نوجوانوں کو ڈیجیٹل سکلز اور فری لانسنگ کی مفت تربیت فراہم کر رہا ہے تاکہ نوجوان اپنے گھر بیٹھے آن لائن اور باعزت طریقے سے روزگاہ حاصل کر سکیں۔انہوں نے بتایا کہ سولہ سالہ تعلیم یافتہ نوجوان ای۔
روزگار ٹریننگ پروگرام کے ذریعے پیش کردہ سات مختلف کورسز میں سے کسی ایک میں شامل ہو سکتے ہیں۔
ہر کورس میں نوجوانوں کو فری لانسنگ کی تربیت بھی دی جائے گی تاکہ امیدوار سیکھے ہوئے ہنر کو استعمال کرکے آن لائن کما سکیں۔انہوں نے بتایا کہ اب تک اڑتالیس ہزار سے زائد نوجوان اس پروگرام سے تربیت حاصل کر کے فری لانسنگ کے ذریعے ماہانہ اچھی خاصی رقم کما رہے ہیں۔ انہوں نے کہا کہ دلچسپی رکھنے والے امیدوار داخلہ کے لیے اپنی آن لائن درخواست ویب سائیڈ www.erozgaar.pitb.gov.pk پر بھی جمع کرا سکتے ہیں۔\378