مظفر گڑھ۔ (مظفر گڑھ ڈاٹ سٹی۔ 07 اپریل2017ء)ڈپٹی کمشنر مظفرگڑھ محمد سیف انور نے کہا ہے کہ حکومت پنجاب باصلاحیت طلباء و طالبات کی وظائف کی صورت میں حوصلہ افزائی کررہی ہے ، انڈومنٹ فنڈ کے ذریعے صوبہ کے لاکھوں باصلاحیت طلباء و طالبات کو گھر بیٹھے وظائف فراہم کیے جارہے ہیں، سرکاری سکولوں سمیت پیف سے رجسٹرڈ سکولوںکے طلباء و طالبات کو کتابوں سمیت مفت تعلیم فراہم کی جارہی ہے یہ بات انہوں نے گورنمنٹ ہائی سکول خانگڑھ میں کلاس ہشتم کے امتحانات میں اعلیٰ کارکردگی کا مظاہرہ کرنے والے طلباء کو شیلڈ،گلدستے اور نقد انعامات تقسیم کرتے ہوئے کہی۔اس موقع پر چیف ایگزیکٹیو آفیسر تعلیم شمشیر احمد بھی ان کے ہمراہ تھے۔ڈپٹی کمشنر نے کہا کہ باصلاحیت طلباء ضلع کو نام روشن کررہے ہیںحکومت ایسے طلباء کی حوصلہ افزائی کرتی رہے گی، تاکہ تمام طلباء وطالبات میں مقابلے کا رجحان پیدا ہو اوراپنے ضلع کے ساتھ ساتھ اپنے ملک کا نام بھی روشن کریں، اس موقع پر ڈپٹی کمشنر نے امسال ہشتم کے امتحان میں 455نمبر حاصل کرنے والے طالب علم مزمل کو گلدستہ اور شیلڈ پیش کی جبکہ جسمانی معذور اور یتیم طالب علم کاشف قریشی کو 327نمبر حاصل کرنے پر ایک ہزار روپے خصوصی انعام دیا ، سکول کے پرنسپل ملک رفیق نے بچے کو سکول بیگ اور یونیفارم کا تحفہ دیا۔