مظفرگڑھ (مظفرگڑھ ڈاٹ سٹی۔ 24 فروری2023ء) ڈپٹی کمشنر مظفرگڑھ آغا ظہیر عباس شیرازی کی ہدایت پر اسسٹنٹ کمشنر نے گودام پر چھاپہ مارکر بھاری مقدار میں غیرقانونی طور پر ذخیرہ کی گئی چینی اور کوکنگ آئل برآمد کرکے گودام کوسیل کردیا گیا ہے۔
اسسٹنٹ کمشنر ناصر ڈوگر نے فیصل سٹیڈیم کے نزدیک گودام پر چھاپہ مار کر غیر قانونی طور پر چینی اور کوکنگ آئل ذخیرہ کرنے پر تمام سامان ضبط کر کے گودام سیل کر دیا اور مالک کے خلاف کاروائی کا آغاز کر دیا ہے، گودام میں چینی کے 50 کلو والے 450 تھیلے اور 5 ٹن کوکنگ آئل برآمد ہوئےاور چینی کے تھیلوں اور کوکنگ آئل کا کوئی ریکارڈموجود نہیں تھا۔