Home / News / ڈی پی او مظفرگڑھ کا تحصیل جتوئی کا دورہ،جلوسوں کے روٹس کی چیکنگ کی

ڈی پی او مظفرگڑھ کا تحصیل جتوئی کا دورہ،جلوسوں کے روٹس کی چیکنگ کی

مظفرگڑھ۔ (مظفرگڑھ ڈاٹ سٹی ۔ 24 اگست2020ء) ڈی پی او ندیم عباس کا مظفرگڑھ کی تحصیل کا دورہ، جلوسوں کے روٹس کی چیکنگ، لائسنس داران اور امن کمیٹی راہنماؤں سے ملاقاتیں کی۔ تفصیل کے مطابق ڈی پی او ندیم عباس نے ایس ڈی پی او جتوئی ریحان رسول افغان، ایس ایچ او جتوئی چوہدری محمد شاہد رضوان مہوٹہ، ایس ایچ او بیٹ میر ہزار خان نزیر جاوید کے ہمراہ کے سلسلے میں جتوئی کا دورہ کیا جہاں انہوں نے جلوسوں کے روٹس اور مجالس کی سیکیورٹی کے حوالے سے چیکنگ کی اور عید گاہ آرائیں والی کے متولی وممبر امن کمیٹی قاری عبید اللہ سے ملاقات کی۔
اس کے علاوہ مسجد عثمانیہ کے پیش امام اور مسجد اللہ والی کے پیش امام سے ملاقات کی۔انہوں نے ڈی پی او ندیم عباس کو امن و امان قائم رکھنے پر مکمل یقین دہانی کرائی۔

اس موقع پر ڈی پی او مظفرگڑھ ندیم عباس نے انچارج سیکیورٹی کو ہدایات جاری کیں، ڈی پی او نے جتوئی کے لائسنس داران اور امن کمیٹی راہنماؤں سے بھی ملاقاتیں کیں۔ڈی پی اوکا کہنا تھا کہ سیکیورٹی انتظامات مکمل کرلیے گئے ہیں، پولیس کا ہر جوان اپنے فرائض کی بہترین ادائیگی کیلئے مستعد موجود ہے۔

ڈی پی او نے میڈیا سے بات چیت کرتے ہوئے کہا کہ سیکیورٹی پلان پر من و عن عملدرآمد کیا جا رہا ہے چیکنگ کا نظام بھی منظم انداز میں تشکیل دیا گیا ہے سیکیورٹی انتظامات کو مسلسل مانیٹر کیا جا رہا ہے اور تمام مکاتب فکر پولیس اور انتظامیہ کے ساتھ پرامن پاکستان کیلئے بہترین تعاون کر رہے ہیں،اتحادواتفاق سے ضلع بھر کو پر امن بنایا جائیگا۔اس موقع پر امن کمیٹی کے ممبران قاری عبدالغنی ثاقب، میاں فیاض نسیم جوئیہ، شیخ محمد فرحان ایوب، ڈاکٹر فیض عباس خان جتوئی، مرید عباس خان جتوئی، رانا محمد شاہد، راو گلزار، قاری عبید اللہ، انکے علاوہ ندیم عباس نومی خان جتوئی، حسن منیر خان جتوئی، محمد عمران جتوئی،انعام علی خان جتوئی ودیگر موجودہ تھے۔

Loading...
%d bloggers like this: