مظفر گڑھ (مظفرگڑھ ڈاٹ سٹی ۔ 24 اگست2020ء) مظفر گڑھ کے ایک مدرسے میں زیر تعلیم 5 سالہ بچے کا ریپ کردیا گیاجس کے نتیجے میں اسے تشویشناک حالت میں ہسپتال منتقل کیا گیا ۔
نجی ٹی وی نے پولیس کے حوالے سے بتایاکہ مظفر گڑھ کے علاقے موضع لٹکراں میں مدرسے میں زیر تعلیم 5 سالہ بچے کے ساتھ مدرسے کے مالک کے بیٹے نے مبینہ طور پر بد فعلی کی اور واقعے کے بعد ملزم فرار ہونے میں کامیاب ہوگیا۔انہوں نے بتایا کہ متاثرہ بچے کو تشویشناک حالت میں ڈی ایچ کیو ہسپتال کے سرجیکل وارڈ میں منتقل کیا گیا ہی.پولیس کے مطابق میڈیکل رپورٹ میں 5 سالہ بچے سے زیادتی کی تصدیق ہوگئی۔پولیس نے واقعے کا مقدمہ درج کرلیا ہے اور مفرور ملزم کی گرفتاری کے لیے چھاپے مارے جارہے ہیں۔