Home / News / ڈسٹرکٹ گورنمنٹ سپورٹس ڈیپارٹمنٹ کے زیر اہتمام جیوے پاکستان سپورٹس پروگرام کا افتتاح

ڈسٹرکٹ گورنمنٹ سپورٹس ڈیپارٹمنٹ کے زیر اہتمام جیوے پاکستان سپورٹس پروگرام کا افتتاح

مظفرگڑھ۔16مئی(مظفر گڑھ ڈاٹ سٹی۔ 16 مئی2017ء) ڈپٹی کمشنر مظفرگڑھ محمد سیف انور نے کہا ہے کہ صحت مند معاشرے کی تکمیل کیلئے نوجوانوں کو کھیل کے میدان میں لانا اور ان کی صلاحیتوں میں نکھار پیدا کرنے کیلئے پلیٹ فارم کی فراہمی وقت کی ضرورت ہے ۔یہ بات انہوں نے ڈسٹرکٹ گورنمنٹ سپورٹس ڈیپارٹمنٹ کے زیر اہتمام جیوے پاکستان سپورٹس پروگرام 2017کا افتتاح کرتے ہوئے کہی۔انہوں نے کہا کہ کھیلوں کے باقاعدہ انعقاد سے باصلاحیت نوجوان کھلاڑی سامنے آتے ہیں جن کی صلاحیتوں میں نکھار پیدا کرکے قومی ٹیم میں شامل کیا جا سکتا ہے ، ایسے باصلاحیت کھلاڑی ملک کانام روشن کرتے ہیں، انہوں نے کہا کہ جیوے پاکستان سپورٹس پروگرام اسی سلسلے کی ایک کڑی ہے، ضلع میں کھیلوں کے فروغ کیلئے ہر ممکن تعاون کیا جائے گا، قبل ازیں ڈسٹرکٹ سپورٹس آفیسر مظفرگڑھ محمد جمیل کامران نے بتایا کہ جیوے پاکستان سپورٹس پروگرام کے تحت آرم ریسلنگ، بیڈ منٹن، ٹیبل ٹینس ، چک بال، تائیکوانڈو، والی بال، میٹ ریسلنگ، ڈیف اینڈ ڈم اور معذور افراد کی کرکٹ کے مقابلہ جات کا انعقاد کرایا جائے گا، انہوں نے مزید بتایا کہ اس کے بعد جلد ہی برائیٹ فیوچر سپورٹس مظفرگڑھ کے تحت انڈر19کھلاڑیوں کیلئے مختلف کھیلوں کے بھی مقابلہ جات کا انعقاد کیا جائے گا، جس میں سکولوں اورکالجز کے ٹیموں کے مابین مقابلہ جات منعقد کرائے جائیں گے، افتتاحی تقریب کے بعد والی بال ، ریسلنگ، چک بال کے مقابلہ جات منعقد ہوئے جس میں والی بال کا میچ مثالی زکریا کلب نے، ریسلنگ کے 90کے جی ویٹ سے زائد کا مقابلہ یونس پہلوان، 70کے جی ویٹ کا مقابلہ محمد مجاہدپہلوان نے جبکہ چک بال میںبلیک نے ریڈ کو 26کے مقابلے میں 18گول سے شکست دی ، اس موقع پر ڈویژنل سپورٹس آفیسر ڈی جی خان جمشید اقبال، قومی کھلاڑی محمد نعیم، محمد نوید، محمد باسط ، محمد شاہد اور محمد اظہر سمیت مختلف کھیلوں کے کھلاڑیوں کی کثیر تعداد نے شرکت کی۔
Loading...
%d bloggers like this: