Home / News / وزیر اعظم پاکستان کی100روزہ پلان پر ترجیح بنیادوں پر عملدرآمد کیا جائے گا، اقبال بزدار

وزیر اعظم پاکستان کی100روزہ پلان پر ترجیح بنیادوں پر عملدرآمد کیا جائے گا، اقبال بزدار

مظفر گڑھ۔29 ستمبر(مظفر گڑھ ڈاٹ سٹی۔ 29 ستمبر2018ء) وزیر اعظم پاکستان عمران خان کی100روزہ پلان پر ترجیح بنیادوں پر عملدرآمد کیا جائے گا، پہلے مرحلے میں تجاوزات کا خاتمہ، صفائی کی صورتحال کو بہتر بنانا ، گیس ، بجلی اور پانی کی چوری کو روکنا اور ضلعی کی تعمیرو ترقی او عوام کی فلاح و بہبود کیلئے عوامی نمائندوں سے تعلقات کو مربوط بنانا شامل ہے۔یہ بات ایڈیشنل ڈپٹی کمشنر ریونیو اقبال بزدار نے ضلعی و تحصیل انتظامی افسران کے ساتھ 100روزہ پلان پر عملدرآمد کے سلسلے میں ایک اجلاس کی صدارت کرتے ہوئے کہی۔ایڈیشنل ڈپٹی کمشنر جنرل آصف رحمان بھی ان کے ہمراہ تھے۔ اے ڈی سی ریونیو اقبال بزدار نے تفصیلات سے آگاہ کرتے ہوئے بتایا کہ یکم اکتوبر سے پلان پر عملدرآمد شروع کردیا جائے گا جس کے تحت ضلع کے شہر ی و دیہی علاقوں سے تجاوزات ، قبضہ مافیا اور غیر قانونی ہائوسنگ سکیموں کا خاتمہ کیا جائے گا، سرکاری اراضی، زرعی اراضی واہ گزار کرائی جائیں گی، مختلف محکموں کی قابض اراضی کو واہ گزار کرایا جائے گا۔انہوں نے کہا کہ تمام متعلقہ ادارے جن کی اراضی پر قبضہ ہے وہ نشاندہی کریں اور اراضی واہ گزار کرنے کیلئے اپنا پلان مرتب کریں تاکہ اس ہر عملدرآمد کیا جائے ، ضلعی انتظامیہ، پولیس اور عوامی نمائندے ہر ممکن مدد فراہم کریں گے۔انہوںنے کہا کہ بازاروں سے تجاوزات کے خاتمے کے لئے انجمن تاجران اور سیاسی نمائندگان کا اعتماد میں لیا جائے گا اور معاملات کو افہام و تفہم سے حل کیا جائیگا، تاہم قانوںپر عملدرآمد کی راہ میں کسی کو رکاوٹ نہیں ڈالنے دی جائے گی۔انہوں نے مزید کہا کہ تجاوزات کے خلاف آپریشن کے دوران ریڑھی والوں سے احسن طریقہ سے بات کریں اور ان کو متبادل جگہ فراہم کرنے کیلئے عملی اقدامات کئے جائیں، اس موقع پر انہوں نے کہا کہ تجاوزات کے خلاف آپریشن کے دوران کچی آبادیوں کا ریکارڈ بھی مرتب کریں کہ یہ آبادی کسی کی اراضی پر قائم ہے یہ سرکاری زمین ہے کسی محکمہ کی زمین ہے ، آبادی میں کتنے مکان ہیں اور کب سے آباد ہے ، کچی آبادی کا درجہ کسی نہ دیا۔
Loading...
%d bloggers like this: