Home / News / مظفرگڑھ، تاجر اتحاد کے وفد کی ڈپٹی ڈائریکٹر اطلاعات محمد شہزاد سے ملاقات

مظفرگڑھ، تاجر اتحاد کے وفد کی ڈپٹی ڈائریکٹر اطلاعات محمد شہزاد سے ملاقات

مظفرگڑھ۔ (مظفرگڑھ ڈاٹ سٹی ۔ 17 اگست2020ء) تاجر اتحاد کے وفد کی ڈپٹی ڈائریکٹر اطلاعات محمد شہزاد سے ملاقات، ملاقات میں صدر مون شیخ، جنرل سیکرٹری عدیل شیخ،سید الطاف حسین بخاری ایڈووکیٹ، ملک مظفر جانگلہ اور عبدالباسط قریشی شامل تھے۔ صدر مون شیخ نے کہا کہ تاجر اتحاد ضلع مظفرگڑھ کے تاجروں کی نمائندہ تنظیم ہے جو تاجروں کی فلاح و بہبود اور ضلع کی معاشی ترقی کیلئے کوشاں ہے۔

انہوں نے کہا کہ تاجر اتحاد کے پلیٹ فارم سے فلاحی کاموں کا مربوط نیٹ ورک قائم کیا گیا ہے جس کے ذریعے تاجروں اور پسماندہ طبقوں کی امداد کی جاتی ہے۔ انہوں نے کہا کہ ہم شہر کی تعمیرو ترقی اور عوام کی فلاح و بہبود کیلئے ضلعی انتظامیہ سے بھر پور تعاون کررہے ہیں اور ان کے ساتھ بہترین ورکنگ ریلیشن قائم کر کے شہر میں امن اور خوشحالی کی فضا کو برقرار رکھیں گے۔ انہوں نے کہا کہ یہ شہر ہم سب کا اپنا شہر ہے، اس کی تعمیرو ترقی کیلئے ہم انتظامیہ سے تمام ممکنہ تعاون جاری رکھیں گے۔

Loading...
%d bloggers like this: