Home / News / مظفرگڑھ،پولیس کی مویشی چور گینگ کے خلاف بڑی کارروائی، سرغنہ سمیت 3 ملزمان گرفتار

مظفرگڑھ،پولیس کی مویشی چور گینگ کے خلاف بڑی کارروائی، سرغنہ سمیت 3 ملزمان گرفتار

مظفرگڑھ (مظفرگڑھ ڈاٹ سٹی ۔ 03 اگست2019ء) تھانہ رنگ پور پولیس کی عید قرباں سے پہلے بین الاضلاعی مویشی چور گینگ کے خلاف بڑی کارروائی، سرغنہ سمیت 3 ملزمان گرفتار کر کے 7 جانور اور نقد رقم 2 لاکھ روپے برامد کرا لیے گئے۔ڈی پی او مظفرگڑھ صادق علی ڈوگر کی تھانہ رنگپور میں پریس کانفرنس۔ تفصیل کے مطابق تھانہ رنگپور پولیس نے عید قربان سے پہلے مظفرگڑھ، ملتان اور جھنگ کے علاقوں سے جانور چوری کرنے والے گروہ کے دو ارکان کو ایک کار میں گائے لے جاتے ہوئے رنگے ہاتھوں گرفتار کیا جن کے انکشافات پر جانور چور گینگ کے سرغنہ کو بھی جھنگ سے گرفتار کیا گیا جن سے کل 7 جانور لاکھوں روپے مالیت کے برامد کروائے گئے، ڈی پی او مظفرگڑھ نے برامد شدہ جانور اور نقد رقم 2 لاکھ روپے مالکان میں تقسیم کیے۔
ڈی پی او صادق علی ڈوگر کا کہنا تھا کہ آج ان کے لیے خوشی کا دن ہے کہ آج وہ چیزین برامد کرائی گئی ہیں جو غریب لوگوں کی معاشی حالت بہتر کرتی ہیں، یہی جانور ان کی آمدنی کا ذریعہ ہوتے ہیں جن سے ان کی زندگیاں وابستہ ہیں اور اس گینگ کی گرفتاری سے عید قرباں پر سینکڑوں جانور غریب لوگوں کے چوری ہونے سے بچ گئے، اس گینگ کا تعلق پنجاب کے دوسرے اضلاع سے بھی ہے اس گینگ سے مزید بڑی تعداد میں برامدگیاں متوقع ہیں جو کہ سلسلہ مزید جاری رہیگا اور مالکان میں تقسیم کرتے رہینگے، گینگ سے فی الحال 2 گائے، 1 بکرا، 3 بکریاں سمیت 2 لاکھ نقد برامد کیئے جا چکے ہیں اور مالکان میں تقسیم کردیئے گئے ہیں، ملزمان کا سرغنہ مرکزی ملزم عبدالمجیف بجی زیر حراست آچکا ہے اور اس کے دو ساتھی فاروق موہانہ اور مشتاق گورمانی بھی گرفتار ہیں مزید ان کے ساتھیوں کی گرفتاری کا تحرک جاری ہے، اس گینگ نے ضلع ملتان، جھنگ اور مظفرگڑھ کے مختلف تھانوں میں وارداتیں کر نے کا انکشاف کیا ہے،ملزمان مختلف کاروں پر جعلی نمبر پلیٹس لگا کر چوری کرتے تھے جو کہ رنگپور پورلیس نے رنگے ہاتھوں گرفتار کیا ہے، اس بہترین کارروائی پر ڈی پی او صادق علی ڈوگر نے نقد انعام اور تعریفی اسناد کا اعلان کیا ہے۔

Loading...
%d bloggers like this: