Breaking News
Home / News / مظفرگڑھ،نہری پانی کی چوری کے خلاف کریک ڈاؤن شروع کردیا گیاہے،ایکسیئن آبپاشی

مظفرگڑھ،نہری پانی کی چوری کے خلاف کریک ڈاؤن شروع کردیا گیاہے،ایکسیئن آبپاشی

مظفرگڑھ ۔ (مظفرگڑھ ڈاٹ سٹی۔ 12 اگست2020ء) ایکسیئن آبپاشی ملک زین سانگی نے کہا ہے کہ پانی چوری نہ صرف سنگین جرم ہے بلکہ ٹیل میں آباد کاشتکاروں کے حق پر ڈاکہ ہے جو کسی صورت برداشت نہیں کیا جائے گا۔ یہ بات انہوں نے پانی چوروں کے خلاف کارروائی کرتے ہوئے کہی۔انہوں نے کہا کہ ضلع بھر میں نہری پانی کی چوری کے خلاف کریک ڈاؤن شروع کردیا گیاہے۔
انہوں نے کہا ہے کہ پانی چوری کا خاتمہ حکومت پنجاب کی اولین ترجیح ہے جس کے لئے صوبائی وزیر آبپاشی کی ہدایت پر نہر سے پانی چوری کرنا اور غیر قانی موگہ جات بنانے والے اور نہر میں پائپ ڈال کر پانی نکالنے والوں کے خلاف بھر پور کاروائی کی جارہی ہے۔ انہوں نے کہا کہ محکمہ آبپاشی کی ٹیمیں ضلع بھر میں آپریشن کررہی ہیں اور جہاں جہاں لوگ پانی چوری یا دیگر غیر قانونی سرگرمی میں ملوث ہے ان کے خلاف ایف آئی آر درج کی جارہی ہیں، توڑے گئے موگوں کی مرمت کرائی جارہی ہے۔

انہوں نے کہا کہ غیر قانونی طور پر پائپ ڈالنے والوں یا نہری پانی چوری کرنے سے متعلقہ کسی غیر قانوی سرگرمی میں ملوث لوگوں سے سختی سے نمٹا جائے گا۔انہوں نے مزید کہا کہ اگر محکمہ کا کوئی اہلکار ان غیر قانونی سرگرمیوں میں ملوث پایا گیا تو اس کے خلاف بھی سخت سے سخت محکمانہ کارروائی کی جائے گی۔

Loading...
%d bloggers like this: