مظفرگڑھ (مظفرگڑھ ڈاٹ سٹی۔ 25 اکتوبر2022ء) اراضی کے تنازعہ پر دو برادریوں میں تصادم کے نتیجہ ایک خاتون سمیت 8 افراد زخمی ہوگئے۔مظفرگڑھ کے نواحی علاقے تھانہ رنگپور کے علاقہ پیر کمال میں زمین کے تنازعے پر دو برادریوں کے درمیان لڑائی میں فریقوں نے ڈنڈوں، سوٹوں اور بیلچوں کا آزادانہ استعمال کیا ،جس کے نتیجے میں ایک خاتون سمیت 8 افراد زخمی ہو گئے۔
زخمی ہونے والوں میں نائی برادری کی خاتون ہاجرہ مائی اور چار افراد محمد ارشاد،محمد عمران،منظور حسین اور مجاہد سمیت پانچ افراد شدید زخمی ہوگئے۔ زخمی افراد کو آر ایچ سی ہسپتال رنگپور منتقل کیا گیا اور خاتون حاجرہ مائی کو تشویشناک حالت کے پیش نطر ڈی ایچ کیو ہسپتال مظفر گڑھ منتقل کر دیا گیا جبکہ فقیر ملانہ برادری کے تین افراد لڑائی میں زخمی ہوئے ان کو بھی آر ایچ سی ہسپتال رنگپور میں منتقل کیا گیا۔ تھانہ رنگپور پولیس نے موقع پر پہنچ کر کارروائی کا آغاز کردیا ۔