Home / News / قیام امن کیلئے فرقہ واریت اور مذہبی تعصبات کا ختم کرنے کیلئے عملی اقدامات کئے جائیں ، کمشنر مظفر گڑھ

قیام امن کیلئے فرقہ واریت اور مذہبی تعصبات کا ختم کرنے کیلئے عملی اقدامات کئے جائیں ، کمشنر مظفر گڑھ

مظفر گڑھ۔10 نومبر(مظفر گڑھ ڈاٹ سٹی۔ 10 نومبر2016ء) پائیدار قیام امن کیلئے فرقہ واریت اور مذہبی تعصبات کا ختم کرنے کیلئے عملی اقدامات کئے جائیں ،یہ بات کمشنر ڈی جی خان محمد یثرب نے مظفرگڑھ میں انتظامی امور پر اجلاس صدارت کرتے ہوئے کہی، ڈی سی او شوکت علی ان کے ہمراہ تھے، کمشنر نے کہا کہ امن و امان کی صورتحال کو بہتر سے بہتر بنانے کیلئے علماء کرام کے تعاون سے عوام میں بھائی چارے اور ہم آہنگی کی فضا کو فروغ دیا جائے ، انہوںنے مزید کہا ہے ضلع کی عوام کو اراضی کے ریکارڈ کی پڑتال کی جدید سہولیات فراہم کرنے کیلئے ضروری ہے تمام ریکارڈ کو کمپیوٹرائزڈ کیا جائے، انہوں نے ہدایت کی کہ جو مواضعات ابھی کمپیوٹرائزد نہیں ہوئے ان کو فوری طور پر کمپیوٹرائزڈ کیا جائے ،انہوں نے کہا کہ سرکاری مشینری کو چلانے کیلئے ٹیکس وصولی انتہائی ضروری ہے ،سرکاری واجبات کی وصولی کیلئے ٹھوس اقدامات کئے جائیںاور مقرر کردہ ہدف کو مکمل کیاجائے، کمشنر نے مزید کہا ہے کہ عوام کو تعلیم اور سہولت کی بنیادی او ر جدید سہولیات کی فراہمی کیلئے حکومت کے جو منصوبہ جات جاری ہے ان کو جلد سے جلد مکمل کیا جائے ، قبل ازیں ڈی سی او مظفرگڑھ شوکت علی نے بریفنگ دیتے ہوئے بتایا کہ ضلع میں امن و امان کی صورتحال بہتر ہے تمام مکابت فکر کے علماء اور عوام ضلع میں قیام امن کیلئے متحد ہیں،اراضی کے ریکارڈ کو کمپیوٹرائزڈکیا جارہا ہے ، اس کی تمام خامیوں کو ختم کیا گیا ہے جلد ہی تمام ریکارڈ مکمل کرلیا جائے گا، انہوں نے مزید بتایا کہ ضلع میں تعمیرو مرمت کے تمام منصوبوں پر تیزی سے کام جاری ہے ، جلد ہی تمام منصوبہ جات مکمل کرلیے جائیں گے ، اجلاس میں اے ڈی سی مہر خالد، ای ڈی او فنانس محمد اعظم، ڈی او سی شہزاد مگسی ، اے سی مظفرگڑھ ڈاکٹر سیف اللہ بھٹی سمیت تمام تحصیلوں کے اسسٹنٹ کمشنرز اور ضلعی محکموں کے سربراہان نے شرکت کی۔

Loading...
%d bloggers like this: