Home / News / ظالم زمیندار نے 70 سالہ بزرگ محنت کش اور اس کے بیٹے پر خونخوار کتے چھوڑ دیئے ، مقدمہ درج

ظالم زمیندار نے 70 سالہ بزرگ محنت کش اور اس کے بیٹے پر خونخوار کتے چھوڑ دیئے ، مقدمہ درج

مظفرگڑھ (مظفرگڑھ ڈاٹ سٹی۔ 6 نومبر2019ء) ظالم زمیندار نے روکنے کے باوجود سڑک سے گزرنے پر 70 سالہ بزرگ محنت کش اور اس کے بیٹے پر خونخوار کتے چھوڑ دیئے ،کتوں نے نوچ ڈالا دونوں شدید زخمی ہو گئے تفصیل کے مطابق مظفرگڑھ کی تحصیل علی پور میں تھانہ سیت پور کے علاقے موضع شیخانی کا محنت کش 70 سالہ بزرگ جام خیر محمد موھانہ اپنے بیٹے اسماعیل کے ھمراہ خانگڑھ ڈومہ سے سودا سلف لینے کے بعد واپس آ رہا تھا جب وہ زمیندار جاوید بلوچ کے گھر کے قریب سڑک سے گزرنے لگے تو اس نے انھیں سڑک پر سے گزرنے سے منع کیا اور انکار پر طیش میں آکر اپنے 5 خونخوار کتے باپ بیٹے پر چھوڑ دیئے باپ بیٹا زمیندار سے معافی مانگتے رہے مگر اس نے ایک نہ سنی اور قہقہے لگاتا اور تماشا دیکھتا ر ہاچیخ و پکار پر شفیق،صغیر و دیگر اہل علاقہ نے آکر زمیندار کی منت سماجت کرکے اور کتوں کو بھگا کر دونوں باپ بیٹے کی جان بخشی کرائی اطلاع ملنے پر پولیس تھانہ سیت پور موقع پر پہنچ گئی اور اور باپ بیٹے کو شدید زخمی حالت میں رورل ہیلتھ سنٹر سیت پور میں داخل کرا دیا پولیس نے زمیندار جاوید بلوچ کے خلاف مقدمہ درج کرلیا ہے اور اس کی گرفتاری کیلئے چھاپے مار رہی ہے۔

Loading...