مظفرگڑھ (مظفرگڑھ ڈاٹ سٹی۔ 28 مئی2020ء) ضلع مظفرگڑھ میں گزشتہ 15 دنوں سے ٹڈی دل کی تباہ کاریاں جاری، کسان تباہ۔ تفصیل کے مطابق ضلع مظفرگڑھ میں قانگوئی روہیلانوالی،الموسی نگر مکھن بیلہ موچی والی ،گانگا یونین، یو سی محال کھاکھی،خانگڑھ،دوآبہ،رنگپور،چوک سرور شہید،جتوئی،علی پور اور ان کے گردونواح میں گزشتہ 15 دنوں سے ٹڈی دل نے تباھی مچا رکھی ھے۔کاشتکاروں کا کہنا ھے کہ وہ محکمہ زراعت اور ضلعی انتظامیہ کی کارکردگی سے مایوس ھو چکے ھیں۔وہ ضلع سے ٹڈی دل کا خاتمہ کرنے میں مکمل ناکام ھو چکے ھیں ٹڈی دل ضلع کے مختلف علاقوں میں فصلات پر بار بار حملے کرکے تباھی پھیلا رھا ھے۔ کاشتکار اور کسان پریشانی کا شکار ھیں بڑی تعداد میں ٹڈی دل کا حملہ ٹڈی دل نے تیار فصلات پر حملہ کرکے فصلات کو تباہ کردیا ھے۔ کسان اور کاشتکار اپنے آنکھوں کے سامنے اپنی فصل کا نقصان ہوتے ہوتے دیکھ رہے ہیں ٹڈی دل کے حملے کی وجہ سے کاشتکار اور کسانوں کو لاکھوں روپئے کا نقصان ھو چکا ھے ان کی کمر ٹوٹ چکی ھے ایک تو کرونا کے سبب لاک ڈاؤن کی وجہ سے کسان اور کاشتکار ویسے ہی پریشان تھے اور دوسرا ٹڈی دل نے بھی کوئی کسر نہیں چھوڑی ہے۔