Breaking News
Home / News / زرعی شعبہ کی ترقی، کسانوں کی بہتری کے لیے پنجاب حکومت اربوں روپے خرچ کر رہی ہے، ڈی سی مظفرگڑھ

زرعی شعبہ کی ترقی، کسانوں کی بہتری کے لیے پنجاب حکومت اربوں روپے خرچ کر رہی ہے، ڈی سی مظفرگڑھ

مظفرگڑھ (مظفرگڑھ ڈاٹ سٹی۔ 31 دسمبر2019ء) زرعی ایڈوائزری کمیٹی کا اجلاس زیر صدار ت ڈپٹی کمشنر انجینئر امجد شعیب خان ترین منعقد ہوا،جس میں ڈپٹی ڈائریکٹر زراعت، ایڈیشنل ڈائریکٹر لائیو سٹاک، ایکسئین آبپاشی ملک زین سانگی اور متعلقہ اداروں کے دیگر افسران اور کسان تنظیموں کے نمائندوں نے شرکت کی۔اس موقع پر محکمہ زراعت، اریگیشن اور لائیو سٹاک کے مختلف پراجیکٹس پر کارکردگی کا جائزہ لیا گیا۔اس موقع پر ڈپٹی کمشنر انجینئر امجد شعیب خان ترین نے کہا کہ زرعی شعبہ کی ترقی اور کسانوں کی بہتری کے لیے پنجاب حکومت اربوں روپے خرچ کر رہی ہے۔ان کا کہنا تھا کہ اس شعبہ کو نہ صرف جدید خطوط پر استوار کیا جا رہا ہے بلکہ کاشتکاری سے وابستہ لوگوں کے مسائل حل ہو رہے ہیں۔زرعی ایگریکلچر ایڈوائزری کمیٹی کی سفارشات پر عمل در آمد کو یقینی بنانے کے لیے تمام ممکنہ اقدامات کیے جائیں گے۔انہوں نے کہا کہ پنجاب حکومت کا وژن ہے کہ کسانوں کو زرعی ادویات، کھادوں، بیجوں پر دی جانے والی سبسڈی پر عملدرآمد کو یقینی بنایا جائے۔انہوں نے تمام پرائس مجسٹریٹس کو ہدایت دیتے ہوئے کہا کہ کھادوں اور زرعی ادویات کی گراں فروشی اور ذخیرہ اندوزی کرنے والے دکانداروں کے خلاف ایف آئی آر درج کروا کر ان کوگرفتار کروایا جائے اور بھاری جرمانہ عائد کیا جائے۔انہوں نے کہا کہ جعلی اور ملاوٹ شدہ کھاد اور غیر ملکی یوریا کنٹرول ریٹ سے زائد قیمت پر فروخت کرنے والوں سے کسی قسم کی رعائت نہیں برتی جائیگی۔انہوں نے کہا کہ نہروں کو نقصان پہنچانے والوں کے خلاف بھی بلا امتیاز کارروائی کی جائے۔

Loading...
%d bloggers like this: