Categories
News Urdu News

خان گڑھ میں کشمیریوں کے حق میں ریلی نکالی گئی

مظفرگڑھ (مظفرگڑھ ڈاٹ سٹی ۔ 30 اگست2019ء) خان گڑھ میں کشمیریوں کے حق میں ریلی نکالی گئی۔ریلی تھانہ خان گڑھ سے ایس ایچ او محمد سلیم جتوئی کی قیادت میں شروع ہوئی۔ریلی میں انجمن تاجران ،ممبران امن کمیٹی،میونسپل کمیٹی نمائندگان ،سیاسی و سماجی شخصیات اور صحافی برادری نے شرکت کی۔ریلی میں شرکا نے ہاتھوں میں پلے کارڈز اور بینرز اٹھارکھے تھے۔
جن پر کشمیر بنے گا پاکستان ،اور کشمیر کی آزادی تک جنگ رہے گی جیسے نعرے درج تھے۔ریلی کے شرکا نے کشمیر کی آزادی کے حق میں اور مودی کی جارحیت کے خلاف خوب نعرے بازی کی۔ریلی کے شرکا نے کہاکہ کشمیر پاکستان کی شہہ رگ ہے۔کشمیر کے دل میں پاکستان کی محبت ہے اور کشمیریوں کی تکلیف دکھ درد میں پاکستانی برابر کے شریک ہیں۔ریلی اسٹیڈیم چوک پر جا کر اختتام پذیر ہوئی۔

Leave a Reply

Your email address will not be published.