Home / News / حکومت عوام کو بہتر طبی سہولیات کی فراہمی کو یقینی بنانے کیلئے پرعزم ہے، سی ای او محکمہ صحت مظفر گڑھ

حکومت عوام کو بہتر طبی سہولیات کی فراہمی کو یقینی بنانے کیلئے پرعزم ہے، سی ای او محکمہ صحت مظفر گڑھ

مظفرگڑھ ۔ (مظفرگڑھ ڈاٹ سٹی ۔ 04 جولائی2019ء) چیف ایگزیکٹیو آفیسر محکمہ صحت ڈاکٹر ضیاء الحسن نے کہا کہ حکومت عوام الناس کو بہتر طبی سہولیات کی فراہمی کو یقینی بنانے کیلئے پرعزم ہے ضلع میں ادویات وافر مقدار میں موجود ہیں،مقرر کردہ اہداف کے حصول کیلئے میڈیکل آفیسرز اپنا مثبت کردار ادا کریں۔یہ بات انہوں نے ڈیٹا پیک کے سلسلہ میں منعقدہ جائزہ اجلاس کی صدارت کرتے ہوئے کہی۔انہوں نے میڈیکل آفیسرز کو متنبہ کرتے ہوئے کہا کہ ڈیوٹی کی انجام دہی میں کوتاہی اور غیر حاضری ناقابل برداشت ہے ایسے ملازمین کے خلاف سخت تادیبی کارروائی عمل میں لائی جائے گی۔انہوں نے کہا کہ کارکردگی کے حوالے سے ہر ماہ باقاعدہ اجلاس منعقد کئے جائیں گے اور کارکردگی کے لحاظ سے تمام مراکز صحت کا تفصیلی جائزہ لیا جائے گا اس سلسلہ میں بائیومیٹرک حاضری سسٹم کو فعال کرنے کے ساتھ ساتھ ایم ایز کی جائزہ رپورٹس سے بھی استفادہ حاصل کیا جا ئے گا سی ای او نے کہا میڈیکل آفیسرز مراکز صحت پر فعال کردار ادا کریں اور روزانہ کی بنیاد پر ادویات، ماں بچے کی حفاظت، زچگی کی سہولیات حفاظتی ٹیک جات پروگرام،صفائی اور مریضوں کیلئے دیگر سہولیات کی فراہمی کا تفصیلی جائزہ لیں اور اہداف کے حصول کیلئے اپنی ذمہ داری کو نبھائیں۔

قبل ازیں ڈاکٹر سلیم اکبر لغاری نے بائیومیٹرک حاضری سے متعلق جائزہ روپورٹ پیش کی۔اس موقع پر ڈاکٹر کاظم خان اور ڈاکٹر طارق محمود نے بھی میڈیکل آفیسرز کو اہداف کے بارہ میں آگاہ کیا۔اجلاس میں ڈاکٹر سلیم اکبر لغاری ڈاکٹر کاظم خان ڈاکٹر طارق محمود ڈی ایچ اوز ڈاکٹر رفیق بھٹی ڈسٹرکٹ کوآرڈینیٹر ڈاکٹر شاہد ریاضڈسٹرکٹ کوآرڈینیٹر آئی آر ایم این سی ایچ ڈاکٹر امیر بخش ڈی ڈی ایچ او عدنان لغاری فوکل پرسن بائیومیٹرک سسٹم جام عابد میڈیسن سٹور کیپر مبصر لئیق پی اے امیر نواز کے علاوہ ڈاکٹرز شرکت کی۔

Loading...