تیزاب گردی کی شکار افراء کی حالت بدستور نازک

مظفرگڑھ ۔ یکم نومبر (مظفرگڑھ ڈاٹ سٹی۔ 01 نومبر2019ء) تیزاب گردی کی شکار افراء کی حالت بدستور نازک اور خطرے میں بتائی جا رہی ہے یاد رہے کہ 3 یوم قبل مظفرگڑھ کی تحصیل علی پور کے موضع مڈوالا میں نسیم مائی نے رشتے کے تنازعے پر اپنی بھانجی افراء پر تیزاب سے بھرا جگ انڈیل دیا تھا جس سے افراء کا نوے فیصد جسم جھلس گیا تھا اور تیزاب کی زد میں آکر افراء کا 80 سالہ والد محمد اعظم اور 2 سالہ بھتیجا حزیفہ بھی جھلس گئے تھے تینوں افراد نشتر ہسپتال ملتان کے برن یونٹ میں زیر علاج ہیں جہاں افراء کی حالت تشویشناک اور خطرے میں بتائی جا ر رہی ہے ڈی پی او مظفرگڑھ صادق علی ڈوگر نے مقدمہ کی تفتیش مقامی پولیس سے لے کر سی آئی سٹاف کے سپرد کر دی ہے جس نے تفتیش شروع کر دی ہے ۔