Home / News / بغیر نقشے کے تعمیر ہونے والا کمرشل پلازہ سیل کردیا گیا

بغیر نقشے کے تعمیر ہونے والا کمرشل پلازہ سیل کردیا گیا

مظفرگڑھ (مظفرگڑھ ڈاٹ سٹی نیوز۔ 6 مئی2021ء) چیف آفیسر میونسپل کارپوریشن مظفرگڑھ عثمان جاوید سرویا نے ایم او پلاننگ ملک محبوب عالم  کے ہمراہ کمیٹی چوک میں نئے بننے والے اسد کمرشل پلازہ کو بغیر نقشے کے تعمیر ہونے کی بنا پر سیل کردیا ۔
چیف آفیسر میونسپل کارپوریشن عثمان جاوید سرویا  کا اس موقع پر کہنا تھا کہ نقشہ منظوری کی فیس کارپوریشن کی آمدنی کا اہم زریعہ ہے اور نقشہ منظور کرائے بغیر تعمیرات کرنے والے قانون کی خلاف ورزی کے ساتھ کارپوریشن کو مالی نقصان بھی پہنچاتے ہیں۔

انہوں نے کہا کہ نقشہ منظوری کے بغیر تعمیرات کا ریکارڈ کارپوریشن کے پاس نہیں ہوتا جس سے صحت و صفائی کے مسائل بھی پیدا ہوتے ہیں۔ انہوں نے کہا کہ کارپوریشن کے ایریا میں بغیر منظوری نقشہ تعمیر کی ہرگز اجازت نہیں دی جائے گی اور بغیر منظوری نقشہ ہونے والی بلڈنگز کو اسطرح سیل کیا جائے گا اوراسکے مالک کے خلاف قانونی کارروائی بھی کی جائے گی۔

Loading...
%d bloggers like this: