مظفر گڑھ۔ (مظفر گڑھ ڈاٹ سٹی۔ 08 جولائی2017ء) تھانہ خیرپور سادات میں کچے کے علاقے میںپولیس اور ڈاکوئوں کے درمیان فائرنگ کاتبادلہ ہوا ۔ڈی پی او اویس احمد ملک ایلیٹ فورس، ریورائن پولیس، علی پور و جتوئی سرکل کی بھاری نفری کے ہمراہ ایس ڈی پی او علی پور کچے کے علاقے میں مدد کے لئے پہنچ گئے۔پولیس کے ساتھ مقابلے کے دوران 2 مسلح ڈاکو اپنے ہی ساتھیوں کی فائرنگ کی زد میں آکرہلاک ہوگئے۔ملزمان کی شناخت انصری جاکھا اور شہزاد سندیلہ کے نام سے ہوئی۔ڈاکوؤں مظفرگڑھ پولیس کو 50 سے زائد سنگین وارداتوں، قتل، اغوا، پولیس مقابلے، اغوا برائے تاوان، ڈکیتی جیسی 50 سے زائد وارداتوں میں مطلوب تھے۔ڈکیت شہزاد سندیلہ آخری ملزم تھا جنہوں نے پولیس جوان کنسٹیبل ساجد چانڈیہ اور پی کیو آر عابد کو شہید کیا تھا۔ ڈی پی او مظفرگڑھ اویس احمد ملک کا پولیس ٹیم کو خراج تحسین، ڈی پی او مظفرگڑھ علی پور موقع پر پہنچ گئے‘ خطرناک اشتہاری مجرمان کی سرکوبی سے عوام کا پولیس پر اعتماد اور تحفظ کی فضا پیدا ہوگی۔