مظفر گڑھ (مظفرگڑھ ڈاٹ سٹی۔ 13 ستمبر2022ء) ڈپٹی کمشنر مظفرگڑھ علی عنان قمر ضلع بھر میں آٹے کی سپلائی یقینی بنانے کیلئے متحرک ہو گئے۔گذشتہ روز فلور ملز ایسوسی ایشن کے عہدیداروں کے ساتھ ایک اجلاس میں ڈپٹی کمشنر نے فلور ملز مالکان کو ہدایت کی کہ وہ ضلع بھر میں آٹے کی کمی نہ ہونے دیں۔
انہوں نے اسسٹنٹ کمشنران کو بھی ہدایت کی کہ وہ ناجائز منافع خوری اور مصنوعی آٹے کی قلت کرنے والے دکانداروں اور ہول سیل ڈیلروں کے خلاف سخت سے سخت کارروائی کریں اور انہیں زیادہ سے زیادہ جرمانے کریں۔
ڈپٹی کمشنر کے حکم سے قبل ضلع کے مختلف علاقوں سے آٹے کی مصنوعی قلت کی شکایات آرہی تھیں۔اجلاس میں ڈپٹی ڈائریکٹر ڈدیلپمنٹ انعم حفیظ، ڈسٹرکٹ فوڈ کنٹرولرسہو،ڈسٹرکٹ آفیسر انڈسٹری راناگلفام سمیت فلور ملز ایسوسی ایشن کے عہدیداروں نے شرکت کی۔