مظفرگڑھ (مظفر گڑھ ڈاٹ سٹی۔ 27 دسمبر2018ء) ڈسٹرکٹ بار ایسوسی ایشن مظفرگڑھ کے انتخابات برائے 2019-20 کے شیڈول کا اعلان کر دیا گیا ۔شیڈول کے مطابق کاغزات نامزدگی 28 دسمبر تک جمع کرائے جا سکتے ہیں 29 دسمبر تک اعتراضات داخل کرائے جا سکتے ہیں کاغزات نامزدگی کی جانچ پڑتال 31 دسمبر کو ہو گی جبکہ یکم جنوری تک کاغزات نامزدگی واپس لئے جا سکیں گے امیدواران کی فائنل لسٹ 2 جنوری کو آویزاں کی جائے گی اور 12 جنوری کو انتخابات منعقد ہوں گے محمد الیاس راعی ایڈووکیٹ کو چئیرمین الیکشن بورڈ مقرر کیا گیا ہے کاغزات نامزدگی ان کے پاس جمع ہوں گے امیدواران کیلئے فیسوں کے شیڈول کا بھی اعلان کر دیا گیا ہے صدر کے عہدے کیلئے 75000 روپے نائب صدر کیلئے 35000 جنرل سیکریٹری کیلئے 50000 فنانس سیکریٹری کیلئے 20000 لائیبریری سیکریٹری کیلئے بھی 20000 اور ممبر مجلس عاملہ کی 10 نشستوں کیلئے 5000 روپے فی امیدوار فیس مقرر کی گئی ہے امیدواران کو ہدائت کی گئی ہے کہ کاغزات نامزدگی کے ساتھ فیس جمع کرانے کی رسید کلیئرنس سیرٹیفیکیٹ پنجاب بار کونسل سے جاری کردہ لائیسنس کی فوٹو کاپی اور شناختی کارڈ کی فوٹو کاپی بھی جمع کرانی ہے نامکمل کاغزات مسترد کر دئیے جائیں گے۔