مظفر گڑھ۔31 اکتوبر(مظفر گڑھ ڈاٹ سٹی۔ 31 اکتوبر2017ء) وزیراعلی پنجاب کے عملی اقدامات سے شہری و دیہی علاقوں میں تعلیم کی شرح میں خاصہ اضافہ ہورہا ہے،غیر یب گھرانوں کے طالبعلموں کو مفت تعلیم کیساتھ ساتھ کتابوں کی فراہمی سے غریب لوگوں میں تعلیم کے رجحان میں بے پناہ اضافہ ہورہا ہے۔ان خیالات کا اظہار ممبر صوبائی اسمبلی میاں محمد عمران قریشی نے گورنمنٹ ایلیمنٹری سکول حسن پور ترنڈ میں نہم کلاس کے طالبعلموں میں سائیکلیں تقسیم کرنے کی تقریب سے خطاب کرتے ہو ئے کیا ،انہوں نے کہا کہ وزیراعلی پنجاب کی جانب سے طالبعلموں میں سائیکلیں فراہم کرنے سے دیہی علاقوں میں سکول آنے جانے والے طالبعلموں کوخاصی سہولت میسر آئے گی۔انہوں نے کہا کہ وزیراعلی پنجاب کی ذاتی دلچسپی کے باعث آج سرکاری سکولوں کے نتا ئج میں خاصہ بہتری آچکی ہے۔ڈسٹرکٹ ایجوکیشن آفیسر ایلیمنٹری رانا محمد اکرم نے کہا کہ سرکاری سکولوں میں حکومت پنجاب کی ہدایات کے مطابق بچوں کو جدید تعلیم سے آراستہ تعلیم مہیا کی جارہی ہے جسکے لیے باقائدہ ما نیٹرنگ کی جاتی ہے ،انہوں نے کہا کہ تمام ایلمنٹری سکولوں میں اعلی تعلیم یافتہ اور تجربہ کار استاتذہ طالبعلموں کو پوری ایمانداری کیساتھ تدریس مہیا کررہے ہیں جسکے باعث سرکاری سکولوں کے نتا یج پہلے سے کہیں زیادہ نمایاں آرہے ہیں۔
انہوں نے کہا کہ آج نہم کلاس کے 61طالبعلموں میں سائیکلیں تقسیم کی گئی ہیں۔اس موقع پر ڈپٹی ایجوکیشن آفیسر ملک ارشاد احمد ،چیئرمین یونین کونسل دین پور محمد اعظم خان بلوچ ،سردار ہا شم خان بھٹہ ،خضر خان بھٹہ ،ارشد خان ودیگر معززین علاقہ نے شرکت کی آخر میں ممبرصوبائی اسمبلی میاں محمد عمران قریشی اور چیئرمین یونین کونسل دین پور محمد اعظم خان بلوچ نے سکول کے طالبعلوں سے مختلف سوالات کئے اور سکول میں تعلیم معیار کیساتھ ساتھ سہولیات کے بارے بھی آگاہی حاصل کی ، طالبعلموں کی جانب سے مثبت جوابات ملنے پر اطمینان کا اظہار کیا اورگورنمنٹ ایلیمنٹری سکول حسن پور ترنڈ کے ہیڈ ماسٹر عبدالعزیز خان بلوچ اور سکول کے سٹاف کو سکول کے سو فیصد نتائج پرکو مبارکباد دی اور علاقہ میں بہترین تعلیم معیار مہیاکرنے پر انکی کاوشوں کو سراہا۔