مظفر گڑھ (مظفر گڑھ ڈاٹ سٹی۔ 18 اگست2018ء) جماعت اسلامی کے مرکزی جنرل سیکریٹری لیاقت بلوچ نے کہا ہے کہ نئے پاکستان کیلئے پرانے اور ناکارہ پرزے جمع کیے گئے ،ْ پانامہ پیپرزکی436 دیگر افراد کے احتساب پر نہ سپریم کورٹ اورنہ ہی حکومت توجہ دے رہی ہے۔مظفرگڑھ میں پریس کانفرنس سے خطاب کرتے ہوئے جماعت اسلامی کے مرکزی جنرل سیکریٹری لیاقت بلوچ نے پریس کانفرنس کرتے ہوئے کہا کہ عمران خان کوحلف اٹھانے پر مبارکباد پیش کرتے ہیں۔اس انتخاب پر انجینئرنگ اور دھاندلی کے تحفظات ہیں، انہوں نے کہا کہ وقت آگیا ہے کہ عمران اپنے وعدے پورے کریں۔نئے پاکستان کیلئے پرانے اور ناکارہ پرزے جمع کیے گئے، پانامہ پیپرز کے 436 دیگر افراد کے احتساب پر نہ سپریم کورٹ اور نہ ہی حکومت توجہ دے رہی ہے۔پریس کانفرنس کے دوران ایک صحافی نے سوال کیاکہ بینکنگ کورٹ میں آصف زرداری کے وارنٹ گرفتاری پر کیا کہیں گے، جس پرلیاقت بلوچ نے جواب دیا کہ جنہوں نے گاجریں کھائیں وہ اب جواب بھی دیں۔