مظفرگڑھ(مظفرگڑھ ڈاٹ سٹی ۔ 26 مارچ2022ء) ایس ایچ او تھانہ بیٹ میر ہزار نےٹارگٹ آفینڈر اورناجائز اسلحہ رکھنے والوں کے خلاف کامیاب کاروائیاں،1 عدد بندوق ڈبل بیرل 12 بور معہ کارتوس برآمد، ملزمان گرفتار، مقدمات درج۔
پولیس ترجمان کے مطابق ڈسٹرکٹ پولیس آفیسر مظفر گڑھ کیپٹن ریٹائرڈ طارق ولایت کی پالیسی پر عمل کرتے ہوئے ایس ایچ او تھانہ بیٹ میر ہزار زوار حسین نے اپنی ٹیم کے ہمراہ کاروائی کرتے ہوۓ ٹارگٹ آفینڈرنادر علی کو گرفتار کر لیا جبکہ ملزم محمد شاکر سے 1 عدد بندوق ڈبل بیرل 12 بور برآمد کرکے مقدمہ درج کرلیا ہے ۔
ملزمان کو بند حوالات تھانہ کر کے مزید تفتیش جاری ہے۔اس موقع پر ایس ایچ او کا کہنا تھا کہ پولیس شہریوں کی جان و مال کی حفاظت اور امن و امان کے قیام کے لیے رات دن کوشاں ہے ۔عادی مجرمان اور ناجائز اسلحہ رکھنے والوں کے خلاف کارروائیاں جاری رکھی جائیں گی ۔