مظفرگڑھ (مظفرگڑھ ڈاٹ سٹی۔ 03 دسمبر2022ء) نجی اسکول کے استاد نے بہیمانہ تشدد کر کے تیسری جماعت کی طالبہ کی ریڑھ کی ہڈی توڑ دی۔
پولیس ذرائع کے مطابق مظفرگڑھ کی تحصیل علی پور کے نواحی علاقے بیٹ ملانوالی کی بستی چوک مڑھی میں نجی سکول “سہیل پبلک اسکول” کے محمد حسین شکرانی نامی استاد نے سبق یاد نہ کرنے پر تیسری جماعت کی طالبہ 10 سالہ کوثر مائی کو بہیمانہ تشدد کا نشانہ بنایا جس سے اس کی ریڑھ کی ہڈی ٹوٹ گئی اور بچی بیہوش ہو گئی۔
استاد زخمی بچی کو گھر کے باہر گلی میں پھینک کر فرار ہو گیا،بچی کو تشویشناک حالت میں تحصیل ہیڈکوارٹر ہسپتال علی پور داخل کرا دیا گیا ہے جہاں وہ زیر علاج ہے۔پولیس تھانہ صدر علی پور نے متاثرہ بچی کے والد کی مدعیت میں مقدمہ درج کر کے ملزم کی گرفتاری کے لئے چھاپے مارنا شروع کر دیئے ہیں۔