مظفرگڑھ (مظفرگڑھ ڈاٹ سٹی۔ 31 اگست2022ء) مظفرگڑھ کی مضافاتی پٹرولنگ پوسٹ غازیگھاٹ کے انچارج سب انسپکٹر قاضی عبدالروف نے ماہ اگست کی کارکردگی رپورٹ جاری کرتے ہوئے کہا کہ 2 مقدمات گاڑیوں میں نصب غیر قانونی گیس سلنڈر ، 3 مقدمات تیز رفتاری اور 1 مقدمہ اوورلوڈنگ کل 6 مقدمات تھانہ چوک کرم داد قریشی میں درج کروائے ، 15 گاڑیوں کو مختلف روڈ ہیلپس فراہم کی گئیں ، 20 گاڑیوں کو سلوموونگ ریفیلیکڑز لگائے گئے ۔
بصیرہ اور چوک کرم داد قریشی کے علاقوں میں 30 عارضی ناجائز تجاوزات ہٹوائی گئیں ۔ ڈی ایس پی پٹرولنگ مظفرگڑہ کے حکم پربیٹ ایریا میں 100 سے زائد پودے لگائے گئے ۔ سب انسپکٹر قاضی عبدالروف نے مزید کہا کہ PHPکے افسران اور جوانوں نے فلڈ زدہ علاقوں میں ریلیف پہنچانے میں اہم کردار ادا کیا۔ پٹرولنگ ہائی وے پولیس موثر گشت کے ذریعے قانون شکن جرائم پیشہ عناصر سے سختی سے نمٹے گی ۔\378