مظفرگڑھ، صارفین کی شکایات کابروقت ازالہ اولین ترجیح ہے، ایس ای میپکو

مظفرگڑھ ۔ (مظفرگڑھ ڈاٹ سٹی۔ 12 اگست2020ء) سپرنٹنڈنگ انجینئرمیپکو سرکل مظفر گڑھ انجینئرمہرنذرمحمدڈب نے کہاہے کہ صارفین کی شکایات کابروقت ازالہ کرناہماری اولین ترجیح ہے۔کمپلینٹ سنٹرز/کسٹمر سروسزسنٹرزمیں تعینات عملہ صارفین سے خوش اخلاقی سے پیش آئے اورآن لائن درج ہونیوالی شکایات کامکمل ریکارڈرجسٹرمیں درج کیاجائے۔
درج ہونیوالی شکایات کافوری طورپرازالہ کروایا جائے۔

ان خیالات کااظہار انہوں نے میپکو سرکل مظفرگڑھ کے کسٹمرسروسزسنٹر کی چیکنگ کے موقع پرکیا۔ انہوں نے کہاکہ میپکوصارفین سے بدتمیزی اورغیراخلاقی رویہ اپنانے والے میپکوسرکل مظفرگڑھ کے ملازمین کے خلاف سخت محکمانہ کاروائی کی جائے گی۔انہوں نے کہا لائن سٹاف اپنی قیمتی جانوں کاتحفظ یقینی بنائیں جلدبازی کی بجائے احتیاط سے کام کریں اورٹی اینڈپی کے بغیر ہرگزکام نہ کیاجائے،پی ٹی ڈبلیوکے بغیربجلی کی لائنوں اورٹرانسفارمرزپربھی ہرگزکام نہ کیا جائے اورسیفٹی قوانین اورہدایات پرمکمل عمل کیاجائے۔