مظفرگڑھ۔(مظفرگڑھ ڈاٹ سٹی- 18 اگست 2021) مظفرگڑھ، شہدائے کربلا کی یاد میں جلوسوس اور مجالس کا سلسلہ جاری ،پولیس ذرائعمظفرگڑھ میں شہدائے کربلا کی یاد میں جلوسوس اور مجالس کا سلسلہ جاری ہے۔پولیس ذرائع نے بتایا کہ شہر اور گردونواح میں 107 جلوس اور 271 مجالس کا انعقاد ہو رہا ہے، جن میں سے 20 جلوسوں اور 40 مجالس کو انتہائی حساس قرار دیا گیا ہے۔
انہوں نے بتایا کہ سیکیورٹی کے سخت انتظامات کئے گئے ہیں، پولیس کے 3 ہزارجوان سیکیورٹی کے فرائض سرانجام دے رہے ہیں،جلوسوں اور مجالس کی سی سی ٹی وی کیمروں کے ذریعے نگرانی کی جا رہی ہے جلوسوں کے راستوں پر عمارتوں پر شارپ شوٹرز تعینات کئے گئے ہیں، جلوسوں کے راستوں پر پانی اور شربت کی سبیلیں لگائی گئی، لنگر اور نیاز کا بھی اہتمام کیا گیا ہے۔
پولیس ترجمان کے مطابق ڈی پی او اور پولیس کے دیگر افسران سیکیورٹی انتظامات کی نگرانی کیلئے مختلف مقامات کے سرپرائز وزٹ کر رہے ہیں۔